ОРАЛ. ҚазАқпарат – Батыс Қазақстан облысында Өзбекстаннан Ресейге кетіп бара жатқан жүк көлігінің тіркемесі жанып кетті, деп хабарлайды ҚазАқпарат тілшісі.
БҚО Төтенше жағдайлар департаментінің баспасөз қызметінен мәлім еткеніндей, оқиға 4 наурыз күні сағат 17.19-да Бәйтерек ауданы Горбунов ауылы маңында болды.
«Самара-Шымкент жолының 223-шақырымында жүк көлігінің тіркемесі 20 тонналық тоқыма бұйымдарымен (иірілген жіп) отқа оранды. Өрт сөндірушілер келгенше, тіркеме жүк көлігінен ажыратылған. Жүк көлігі Өзбекстанда тіркелген. «Тілсіз жау» БҚО ТЖ департаменті күшімен (7 адам, 2 техника) сағат 20.02-де ауыздықталды», - деп хабарлады департаменттен.
Еске сала кетейік, бұдан бұрын Оралда балалар мінген 2 мектеп автобусы қар құрсауында қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).