ОРАЛ. ҚазАқпарат - БҚО төтенше жағдайлар департаменті өкілдері Қарттар күніне орай 45 ардагердің үйіне барып, құрмет көрсетті.
Департаменттің баспасөз қызметінен түскен мәліметке қарағанда, құрамында мекеменің ардагерлері, кадрлық жұмыс бөлімі қызметкерлері, бөлімшелер басшылары бар топ қарияларды мерекелерімен құттықтап, ақшалай сый-сияпаттарын тапсырды.
Мұндай шара департаментте игі дәстүрге айналған. Аталған ардагерлердің басым көпшілігі қоғамдық-саяси өмірге, кейінгі жас буынды отаншылдық рухта тәрбиелеуге белсене қатысып келеді. Олар өздерін елеп-ескергені үшін шынайы алғыстарын білдірді.
Айта кетейік, өңірде Қарттар күніне орай шаралар қала мен ауылдарда да өтуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).