ОРАЛ. KAZINFORM — БҚО ТЖ департаментінің бастығы Руслан Қасыбаев қызметінен кетті.
Р.Қасыбаевтың өзінің өтініші бойынша қызметінен босағанын БҚО ТЖ департаменті растады.
Департамент бастығының міндетін атқарушы қызметін уақытша Жанболат Жаншин атқаратын болады.
Руслан Қасыбаев аталмыш қызметке өткен жылдың ақпан айында тағайындалған еді. Оған дейін Алматы қаласы ТЖ департаментінің бастығы лауазымында болған.
Еске сала кетейік, бұдан бұрын Руслан Қасыбаевтың БҚО ТЖ департаментінің бастығы міндетін атқаратынын жазған болатынбыз.
Сонымен қатар, Алматы облысы Төтенше жағдайлар департаментінің басшысы ауысқанын хабарладық.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).