ОРАЛ. 24 қараша. ҚазАқпарат /Елжан Ералы/ - БҚО ІІД жол полициясы басқармасында ашық есік күні өткізілді.
Аталмыш басқарма бастығының орынбасары, полиция полковнигі Тельман Үсеновтің атап өткеніндей, мұндай шарада жол қозғалысы қауіпсіздігін қамтамасыз етуге байланысты өзекті мәселелер талқыға салынады. Осыған орай облыстық автомобиль жолдары және жолаушылар көлігі басқармасының бөлім бастығы Марат Түркпенов, «Батыс» өңіраралық көліктік бақылау инспекциясы БҚО бойынша филиалы бастығының міндетін атқарушы Серік Үбішев және басқалар өз ұсыныс-пікірлерін білдірді. Алдағы кезеңге бірлескен іс-қимыл жоспары белгіленді.
Жол полициясы күніне орай үздік қызметкерлер «Мінсіз қызметі үшін» кеудебелгілерімен марапатталып, бірқатарына алғыс жарияланды. Шараға сала ардагерлері мен қызмет бабында жүргенде қаза тапқан жол полициясы қызметкерлерінің отбасылары қатысып, шағын концерт қойылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).