ШЫМКЕНТ. KAZINFORM - Қазір үш альпаканың да жағдайы қалыпты. Олардың үшуі де 2022 жылы туған, екеуі аналық, біреуі аталық. Қазір барлығының жағдайы қалыпты. Зообақ қызметкерлері оларға лақап ат қою үшін әлеуметтік желіде байқау жариялаған болатын.
«Біздің сүйкімді альпакаларымызға Black, Snow, Brown деген лақап аттар таңдап алынды. Шымкент зоосаябағы ЕАРАЗА (Еуроазиялық аймақтық зообақтар мен аквариумдер) қауымдастығына мүше және халықаралық зообақтармен тығыз байланыста жұмыс істейді. Сондықтан алдағы уақыттарда біздің әріптестеріміз жануарлардың аттарын айтудағы қиындықтарға тап болмас үшін, осылай атауды жөн көрдік. Бізге атсалысқан барлық оқырмандарымызға шын жүректен алғыс білдіреміз!», - деп жазылды зообақтың Instagram желісіндегі парақшасында.
Айта кетейік, бұдан алдын Шымкент зообағына Чехиядан 3 альпака жануары жеткізілгенін жазған болатынбыз.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.