«Боингтің» құлаған жерінен 196 адамның мәйіті табылды

АСТАНА. ҚазАқпарат - Малайзиялық «Боинг» ұшағының құлаған жерінен 196 адамның мәйіті табылды. Бұл туралы Украинаның төтенше оқиғалар бойынша мемлекеттік қызметі хабарлады.

Бұған дейін 192 мәйіт табылды деп хабарланған болатын. Іздеу жұмыстары 34 шаршы шақырым аумағында, Московское, Рассыпное, Грабово, Стрюково ауылдары мен Грабовский су қоймасы ауданында жүргізіліп жатыр.

Табылған мәйіттерді жақын қалалардағы мәйітханаларға апаруда, деп жазады Би-Би-Си.