ОРАЛ. 14 мамыр. ҚазАқпарат - Бөкей ордасы ауданының қайта құрылғанына орай осы өңірге ерекше еңбек сіңірген 27 адамға «Бөкей ордасы ауданының құрметті азаматы» атағы берілді.
Олардың арасында кезінде шаруашылық басқарған соғыс және еңбек ардагері Қадыр Ғайсин, аудан әкімі болған Нұрлыбек Бірманов, Лавр Хайретдинов, аудандық партия комитетінің хатшысы қызметін атқарған Сәния Хамзина, Жәңгір хан атындағы орта мектепке ұзақ жыл басшылық еткен Күләш Құрманғалиевалар бар. Сондай-ақ құрметті атақты әр салада қызмет еткен осы ауданда тұратын азаматтар да иеленді.
Аудан әкімі Рахман Кариннің айтуынша, осыған дейін 26 бөкейордалық құрметті азамат атанса, олардың төртеуі ғана ауылда, қалғандары ауданнан тыс жерлерде, көбі Алматы, Орал қалаларында тұрады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).