АСТАНА. ҚазАқпарат - Дүниежүзілік бокс қауымдастығының (WBA) нұсқасы бойынша супер ауыр салмақтағы әлемнің экс-чемпионы 34 жастағы ресейлік боксшы Александр Поветкин Мәскеуде 7 маусымда шаршы алаңға оралады, деп жазады Vesti.kz.
Ол өзінің соңғы жекпе-жегін 2013 жылғы 5 қазанда өткізіп, әлемнің бірнеше дүркін чемпионы украиндық Владимир Кличкоға есе жіберген болатын. Ресейлік спортшы үшін бұл кәсіпқой бокс мансабындағы бірінші ұтылыс еді.
Алдын ала мәліметтер бойынша Александр Поветкиннің келесі жекпе-жегі Мәскеуде 7 маусымда өтеді.
Ресейлік спортшының қарсыласы жақын арада белгілі болмақ.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.