Бокс: Әли Ахмедов АҚШ-та титулдық айқас өткізеді

АСТАНА. ҚазАқпарат - Қазақстандық боксшы Әли Ахмедовтың келесі жекпе-жегінің қайда және қашан өтетіні белгілі болды, деп хабарлайды  Sports.kz.

Ахмедов жастар арасындағы жартылай ауыр салмақта өзінің WBC титулын қорғайтын болады. 22 жастағы қазақстандық  боксшы америкалық кіші Роберто Силвамен жекпе-жекке шығады.

Айқас 8 желтоқсанда Round Rock Sports Center-де (АҚШ, Техас) өтеді. Сондай-ақ тағы бір отандық боксшы Искандер Харсан америкалық Давид Альфаромен бақ сынамақ.

Еске салайық, 9 қыркүйек күні Астанада өткен бокс кешінде Ахмедов сегізінші раундта техникалық нокаутпен америкалық Джастин Томасты жеңген еді.