Бокс: «Астана арландарының» ширек финалдағы қарсыласы анықталды

АСТАНА. 11 наурыз. ҚазАқпарат - Бокстан WSB әлемдік додасының ширек финалына шыққан командалар анықталды.

Келесі кезеңге бірінші болып аяқ басқан «Астана арландары» енді жартылай финал жолдамасын «Аргентина Кондорс» командасымен сарапқа салады, деп хабарлайды «Аламан» порталы.

Алғашқы кездесу 22 наурызға таман Аргентинада өтсе, қарымта кездесу 29 наурызда Алматыда болады.

Ширек финал:

Аргенина - Қазақстан

Польша - Италия

Ұлыбритания - Мексика

Әзірбайжан- Украина

Қазақстандық боксшылар ширек финалдан өтсе, Польша мен Италия жұбының жеңімпазымен кездесетін болады.