АСТАНА. ҚазАқпарат - Сербияның Сомбор қаласында өтіп жатқан «Ұлттар кубогы» дәстүрлі халықаралық турнирінде Қазақстан арулары алғашқы айқастарын жеңіспен бастады, деп хабарлайды ҚазАқпарат тілшісі.
Аталған додада бірінші болып шаршы алаңға шыққан әлем чемпиондары Дина Жоламан, Ләззат Күнгейбаева және Азия ойындарының финалисі Жайна Шекербекова алғашқы қарсыластарын ұтып, келесі айналымға өтті.
54 келі салмақта Дина Жоламан отандасымыз Гүлмира Байманованы 5:0 есебімен айқын ұтса, 51 келіде Жайна Шекербекова грекиялық Коцугерпопулудан 3:2 есебімен басым түсті. Ал Ләззат Күнгейбаева өзінің ұлттық құрамадағы командаласы Үміт Садықованы 4:1 есебімен жеңді.
Фото www.kfb.kz
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.