НҰР-CҰЛТАН. ҚазАқпарат - Сербияда өтіп жатқан бокстан Belgrade Winner халықаралық турнирінде төрт қазақстандық финалға жолдама алды, деп хабарлайды ҚазАқпарат тілшісі.
Халықаралық турнирде Василий Левит (91 келі) финалға шықты. Ол жартылай финалда Грекиядан келген Нантизанян Вагканды сүріндірді.
52 келіде шаршы алаңға шыққан Сәкен Бибосынов румыниялық Гирлен Косминнен мықты екенін көрсетті.
Ал 63 келіде сынға түскен Ертуган Зейнулинов сербиялық боксшыны жарыс жолынан шығарды.
Сондай-ақ, Нұрбек Оралбай (81 келі) ресейлік спортшының осал тұсын тапты.
Әлем және Азия чемпионатында жүлдегерлер қатарынан көрініп жүрген Абылайхан Жүсіпов (69 келі) бұл жолы ресейлік қарсыласына есе жіберді.
Қола жүлдені қанағат тұтқандар қатарында Нұрқанат Райыс (75 келі) пен Нұрлан Сапарбай (91 келіден жоғары) да бар.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.