НҰР-СҰЛТАН. ҚазАқпарат – Польшаның Кельце қаласында өтіп жатқан жастар арасындағы әлем чемпионатында қазақстандық Жұлдыз Шаяхметова күміс жүлдегер атанды, деп хабарлайды ҚазАқпарат тілшісі.
Ж.Шаяхметова 60 кг салмақта финалда үндістандық Винкамен рингке шықты.
Үнділік боксшының басымдылығымен өткен жекпе-жек барысында Жұлдыз екінші және үшінші раундта нокдаун алып қалды. Ақыры үшінші раундта кездесу мерзімінен бұрын тоқтатылып, жеңіс Винкаға берілді.
Сонымен қатар бүгін Дана Дидай 75 кг салмақта тағы бір үндістандық Санамача Чану Токчоммен алтын жүлде үшін таласады.
Еске сала кетейік, бұдан бұрын үш қазақстандық бойжеткен Жасмин Қиззатова, Әсел Сағатова және Елдана Тәліпова қола жүлдегер атанған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).