АСТАНА. KAZINFORM — Қазақстандық былғары қолғап шебері Айбек Оралбай Аичи-Нагояда (Жапония) өтіп жатқан Азия ойындарында алғашқы жекпе-жегін өткізді.
Отандасымыз 90 келіден жоғары салмақтың ширек финалында қырғызстандық Мырзакир Кошалиевпен жұдырықтасты.
Үш раундтың нәтижесі бойынша Айбек Оралбай 5:0 есебімен жеңіске жетті.
Осылайша, ол кем дегенде қола медальді қамтамасыз етті.
Еске салайық, бұған дейін семсерлесуден Қазақстан ерлер құрамасы Жапонияда өтіп жатқан ХХ жазғы Азия ойындарының чемпионы атанғанын хабарлаған едік.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.