Боксшы Наталья Богданова Олимпиада лицензиясына таласа алмайды

АСТАНА. KAZINFORM — Қазақстандық боксшы Наталья Богданова лицензиялық турнирде жеңіліп қалды. 

Италияның Бусто-Арсицио қаласында өтіп жатқан бокстан лицензиялық турнирдің 1/8 финалында 66 келіге дейінгі салмақта өнер көрсетіп жүрген Богданова жеңіліс тапты. 

Оның қарсыласы польшалық Анета Ригельска болатын.  

Ригельска жекпе-жектің басында аздаған басымдыққа ие болып, соны айқастың соңына дейін сақтап қалды. 

Осылайша Наталья Богданова Олимпиада лицензиясы үшін күрестен тыс қалды.