Боксшы Иса Ақбербаев IBO рейтингіндегі ұстанымын 31-орынға жақсартты

АСТАНА. ҚазАқпарат - Халықаралық боксшылар ұйымы (IBO) барлық салмақ санатындағы әлем боксшыларының жаңартылған рейтингін жариялады, деп хабарлады Sports.kz.

Қазақстандық боксшылардың ішінде ең көп өзгеріс Иса Ақбербаевта байқалды, ол Рубен Анхел Миноны жеңгеннен кейін бірінші ауыр салмақ (90,7 келі) рейтингінде 81-ден 50-ші орынға көтерілген. Бейбіт Шүменов осы тізімде 17-ші орынды сақтап қалды. Қанат Ислам бірінші орташа салмақ санаты рейтингінде (69,8 келіге дейін) 77-ден 81-ге түсіп кетті. Өткен айда жеңіл салмақ рейтингінде 22-ші ұстанымда болған Жанат Жақиянов 21-орынға жайғасты.