НҰР-СҰЛТАН. ҚазАқпарат - Ресейдің Екатеринбург қаласында өтіп жатқан бокстан әлем чемпионатында қазақстандық Бекзат Нұрдәулетов жартылай финалға жолдама алды, деп хабарлайды ҚазАқпарат тілшісі.
Бекзат Нұрдәулетов 81 келі салмақтағы жарысты алғашқы кезеңнен бастады. Онда алдымен Оңтүстік Кореядан келген Инги Хонды тізе бүктірді. Одан кейін 1/16 финалда колумбиялық Калек Норбайды тізе бүктірсе, оған 1/8 финалда бразилиялық Кено Мачадо қарсы тұра алған жоқ.
Бекзат бүгін түркиялық Байрам Малканмен қолғап түйістірді. Жекпе-жек барысында тартысты бәсеке өрбіді.
Бұған дейін қазақстандық боксшылар қатарынан Сәкен Бибосынов (52 келі), Тұрсынбай Құлахмет (75 келі) және Василий Левит (91 келі) пен Абылайхан Жүсіпов жартылай финалға жолдама алған еді.
Ал Қайрат Ерәлиев алған жарақатына байланысты өзбек жігіті Миразизбек Мирзахалиловке жол берді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.