АСТАНА. ҚазАқпарат – Үндістанның Нью-Дели қаласында бокстан әйелдер арасында өтіп жатқан әлем чемпионатында Жайна Шекербекова алғашқы жекпе-жегін сәтті өткізді, деп хабарлайды ҚазАқпарат тілшісі.
Азия чемпионы, әлем біріншілігінің күміс және қола жүлдегері Жайна Шекербекова 54 келіге дейінгі салмақта оңтүстіккореялық Э Чжи Иммен шеберлік байқасты.
Бірінші раундта бес төрешінің төртеуі Жайна басым деп таныды. Екінші кезеңде де солай болды. Қорытынды есеп – 4:1.
Осылайша, Ж. Шекербекова келесі кезеңге өтті.
Еске сала кетейік, бұдан бұрын бокстан әлем чемпионатында Жазира Орақбаеваның алғашқы қарсыласынан нокаутпен жеңгенін жазған болатынбыз.
Сондай-ақ, Римма Волосенко өзбекстандық спортшыны жеңді.
Қарсыласын нокаутпен жеңген Фариза Шолтай 1/4 финалға шықты.
Бокстан әлем чемпионатында бүгін үш қазақстандықтың рингке шығатыны хабарланды.
Ал, Алуа Балқыбекова қарсыласын айқын басымдылықпен ұтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).