АСТАНА. KAZINFORM - Англияның Ливерпуль қаласында өтіп жатқан әлем чемпионатында бүгін, 7 қыркүйекте Қазақстан құрамасынан бес боксшы шаршы алаңға шығады.
Отандастарымыз күндізгі және кешкі сессияда сынға түседі. Олардың екеуі күндізгі, үшеуі түнгі сессияда күш сынасады.
Жекпе-жектер кестесі:
Күндізгі сессия. (қазақстандық уақытпен 15:00–де)
- 55 келі. Махмұд Сабырхан - Брайан Ортис (Мексика)
- 80 келі. Нұрбек Оралбай v- Матви Ражба (Украина)
Кешкі сессия (қазақстандық уақытпен 22:00–де)
- 57 келі. Карина Ибрагимова - Элис Глин (Англия)
- 70 келі. Наталья Богданова - Санамача Чокчом (Дания)
- 65 келі. Ертуған Зейнулинов - Хуго Грау (Франция).
Дүбірлі дода 4-14 қыркүйек аралығында өткізіледі. Жекпе-жектер «Qazaqstan» және «Qazsport» телеарналарынан тікелей эфирде көрсетіледі.
Әлемнің әр қиырынан келген боксшылар 4-10 қыркүйек аралығында іріктеу кезеңінде сайысқа түседі. Ал 12-13 қыркүйекте жартылай болса, 13-14 қыркүйекте финалдық бәсекелер өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.