АСТАНА. ҚазАқпарат - Өзбекстан астанасы Ташкент қаласында өтіп жатқан әлем чемпионаты үшінші жарыс күнінде ел құрамасынан Талғат Сырымбетов (60 келі) рингке шығады, деп хабарлайды ҚазАқпарат тілшісі.
Елорда уақытымен 15:00-де басталатын күндізгі сессияда Талғат Сырымбетов 1/16 финалда иорданиялық Мохамед Абу-Джаджехпен қолғап түйістіреді.
Қарсыласы - Азия чемпионы атанған тәжірибелі боксшы.
Еске салсақ, Талғат Сырымбетов бұған дейін биылғы әлем чемпионатында таиландтық Сакда Руамтхамды жеңіп кетті.
Әлем чемпионаты 1-14 мамыр аралығында өткізіледі. Финалдық кездесулер 13 және 14 мамырға белгіленген.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.