НҰР-СҰЛТАН. ҚазАқпарат - Бүгін Ресейдің Екатеринбург қаласында өтіп жатқан бокстан әлем чемпионатында Қайрат Ерәлиев 1/4 финалға жолдама алды, деп хабарлайды ҚазАқпарат тілшісі.
Қайрат Ерәлиев 57 келі салмақта таиландтық Чатчай Бутдимен қолғап түйістірді. Төрешілер шешімімен жеңіс қазақстандық боксшыға берілді.
Таиландтық боксшы да оңай қарсылас емес еді. Ол 2015 жылы әлем чемпионатында қола жүлдегер атанса, 2015 жылы Азия чемпионы атағына қол жеткізді.
Қайрат Ерәлиев 2013 жылы әлем чемпионатында қола алса, 2017 жылы чемпион атанды. Ал 2015, 2017 жылдарда Азия чемпионы болды.
Бұдан бұрын Қайрат Ерәлиев венесуэлалық Йоэль Финольді басым түскен болатын.
Бүгін бұған дейін қазақстандық үш боксшы шаршы алаңға шықты. Олардың екеуі жарысты жалғастыратын болса, біреуі әлем чемпионатын ерте аяқтады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.