БЕЛГРАД. ҚазАқпарат - Сербия астанасы Белград қаласында өтіп жатқан бокстан әлем чемпионатында ширек финалға шыққандар қатарына тағы бір қазақстандық қосылды, деп хабарлайды ҚазАқпарат тілшісі.
Санатәли Төлтаев (63,5 келі) украиналық Денис Песоцкиймен қолғап түйістірді. Кездесу барысында қазақстандық боксшы ширақ қимыл көрсетті. Нәтижесінде ол төрешілер шешімімен жеңіске жетті. Осылайша ширек финалға шыққан қазақстандық спортшылар қатарын толықтырды.
Сондай-ақ, бүгін Серік Теміржанов (57 келі), Абылайхан Жүсіпов, Нұрқанат Райыс (75 келі), Сәкен Бибосынов (51 келі) ширек финалға жолдама алды.
Бүгін енді ел құрамасынан Нұрбек Оралбай (80 келі) сайысқа түседі.
Еске салсақ, бұдан бұрын жарыстың аталған сатысына Теміртас Жүсіпов (48 келі), Махмуд Сабырхан (54 келі), Саматәли Төлтаев (60 келі) және Асланбек Шымбергенов (71 келі) шықты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.