НҰР-СҰЛТАН. ҚазАқпарат - Бокстан әйелдер арасындағы әлем чемпионатында бүгін Жайна Шекербекова ширек финалға шықты деп хабарлайды ҚазАқпарат тілшісі.
Түркияның Ыстанбұл қаласында өтіп жатқан әлем чемпионатында Жайна Шекербекова (52 келі) жапониялық Ринка Киноситамен жекпе-жек өткізді.
Төрешілер шешімімен қазақстандық боксшы жарысты жалғастыруға мүмкіндік алды.
Осылайша ел құрамасынан бесінші боксшымыз 1/4 финалға шықты.
Еске салсақ, бұдан бұрын Алуа Балқыбекова (48 келі), Карина Ибрагимова (57 келі), Валентина Хальзова (70 келі), Гүлсая Ержан (81 келі) ширек финалға шыққан еді.
Сондай-ақ бүгін ел құрамасынан Дина Жоламан (54 келі) шаршы алаңға шығады.
Әлем чемпионаты 20 мамырда мәресіне жетеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.