ТАШКЕНТ. ҚазАқпарат - Өзбекстан астанасы Ташкент қаласында өтіп жатқан әлем чемпионатында үшінші жарыс күнінде Қазақстан құрамасы мен олардың қарсыластары қалай ойын көрсеткені белгілі болды, деп хабарлайды ҚазАқпарат тілшісі.
Дүбірлі доданың үшінші жарыс күнінде Қазақстан құрамасынан 1/16 финалда Талғат Сырымбетов (60 келі) төрешілердің даулы шешімімен иорданиялық Мохаммед Абу-Джаджехке есе жіберіп, жарыс жолынан шығып қалды.
Ал Өзбекстан сапынан Саиджамшид Джафаров (71 келі) Мозамбик боксшысы Тиагу Мухангуді жеңсе, Мужибилло Турсунов (60 келі) гамбиялық Марри Корраны нокаутқа жіберді.
Кубалық боксшылар қатарынан Эрисланди Альварес (60 келі) индонезиялық Джанлуиджи Калаипупинді нокаутқа түсірді.
Ал Хорхе Куэльяр (71 келі) австралиялық Дэйви Шеннанді тізе бүктірді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.