АСТАНА. ҚазАқпарат - Бокстан әйелдер арасындағы Азия чемпионатына қатысатын Қазақстан құрамасының тізімі белгілі болды, деп хабарлайды ҚазАқпарат тілшісі.
Құрлықтық дода 30 қазанда Иордания астанасы Амман қаласында жалауын көтереді.
Қазір ел құрамасы оқу-жаттығу жиынын өткізуде. Азия чемпионатында Алуа Балқыбекова (48 келі), Назым Қызайбай (50 келі), Жазира Орақбаева (52 келі), Жайна Шекербекова (54 келі), Карина Ибрагимова (57 келі), Римма Волосенко (60 келі), Аида Әбікеева (63 келі), Мадина Нұршаева (66 келі), Дариға Шәкімова (70 келі), Валентина Хальзова (75 келі), Гүлсая Ержан (81 келі), Ләззат Күнгейбаева (81 келіден жоғары) ел намысын қорғайды.
Еске салсақ, бұдан бұрын Айзада Мүптілда ауыр атлетикадан Азия чемпионы атанды.
Фото: sports.kz
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.