АСТАНА. ҚазАқпарат - Бокстан «Elorda Cup» халықаралық турнирінде 57 келі салмақтағы Махмуд Сабырхан жеңіс тұғырына көтерілді, деп хабарлайды ҚазАқпарат тілшісі.
Махмуд Сабырхан финалда тағы бір отандасымыз Асылжан Серікбаймен кездесуі тиіс болатын. Алайда қарсыласы жекпе-жекке шығудан бас тартты. Осылайша Махмуд халықаралық турнирде жеңіс тұғырына көтерілді.
Махмуд Сабырхан 2001 жылы Шымкент қаласында дүниеге келген. 2023 жылы әлем чемпионы атанса, 2021 жылы күміс жүлдегер болды. Сондай-ақ 2022 жылы Азия чемпионатында екінші орын алды.
Еске салсақ, бүгін «Elorda Cup» турнирінде Сәкен Бибосынов чемпион атанған болатын.
Осы сәтте халықаралық турнирде финалдық жекпе-жектер өтіп жатыр.
Бәсекеге 10 елден 200-ден астам спортшы жиналды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.