Т. Құлыбаев бұл пікірін федерацияның есептік конференциясында журналистермен болған кездесуінде айтты.
Оның айтуынша, боксшылар ең әуелі Олимпиада лицензиялары сарапқа салынатын 2011 жылғы Әлем біріншілігінде табысты өнер көрсетулері қажет.
«Командамыз барлық салмақ дәрежелері бойынша олимпиада жолдамаларын олжалап, Лондонға толық құраммен баруын жоспарлаудамыз. Олимпиадада ерлер 10 салмақ дәрежелері бойынша, әйелдер 3 салмақ бойынша мықтыларды анықтайды», - деп атап өтті ол.
«Қазақстан олимпиада ойындарында мақтануға тұрарлық өнер көрсетуі үшін барлығымыз жақсы жұмыс жасауға тиіспіз», - деді сөзінің соңында Т. Құлыбаев.