НҰР-СҰЛТАН. ҚазАқпарат – Әлемдегі коронавирус қаупіне байланысты Халықаралық Олимпиада комитеті бокстан Лондонда өтетін еуропалық іріктеу турнирін уақытша тоқтатты, деп хабарлайды ҚазАқпарат тілшісі.
ҚР Ұлттық олимпиадалық комитеті хабарлағандай, Лондонда өтетін еуропалық іріктеу турниріннен бөлек, Америкадағы іріктеу бәсекесі мен мамыр айында өтуі тиіс әлемдік кезең де кейінге шегерілген.
14 наурыз күні бастау алған Еуропа аймақтық іріктеу турнирі бүгін кешкі сессия кездесуінен соң тоқтатылады. Турнир 24 наурызда аяқталуы тиіс еді. Ұйым мұндай қадамға спортшылар мен ресми тұлғалардың және турнирді ұйымдастыруға жауапты барлық қатысушылардың денсаулығын қорғау мақсатында барған.
Десе де, Халықаралық Олимпиада комитеті Токиодағы Олимпиада ойындарының дәл уақытында басталатынына сенімді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.