АСТАНА. ҚазАқпарат - Болгария астанасы София қаласында өтіп жатқан бокстан халықаралық «Странджа-2023» турнирінде төртінші жарыс күні мәресіне жетті, деп хабарлайды ҚазАқпарат тілшісі.
Бұл күні ел құрамасынан 1/8 финалда сегіз боксшы ринге шығуы тиіс еді. Олардың арасынан екеуі жарыстың 1/4 финалына жолдама алды.
Ел құрамасынан Оразбек Асылқұлов (57 келі) бразилиялық Луис Оливейраның осал тұсын тапса, Бекзад Нұрдәулетов (80 келі) сербиялық Артем Агеевті тізе бүктірді.
Ал Кенже Мұратұлы (51 келі) үндістандық Бишвамитра Чонгтхамға, Ернұр Қайрат (48 келі) грузиялық Лука Кублашвилиге, Бекзат Таңатар (86 келі) өзбекстандық Шохжахон Абдуллаевқа, Абзал Кұттыбеков (92 келі) грузиялық Артем Иорданянға, Темірхан Тезек (67 келі) өзбекстандық Бехзод Хамидовқа жол берді.
Сондай-ақ, қазақстандық Қамшыбек Қоңқабаевтың рингке шықпауына байланысты жеңіс өзбекстандық Баходир Джалоловқа берілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.