АСТАНА. ҚазАқпарат - Болгария астанасы София қаласында өтіп жатқан бокстан халықаралық «Странджа-2023» турнирінде Нұрқанат Райыс жарысты жалғастыруға мүмкіндік алды, деп хабарлайды ҚазАқпарат тілшісі.
Қазақстандық спортшы 75 келі салмақта сынға түсті. Ол 1/8 финалда австралиялық Доминик Молинародан төрешілердің бірауыздан шешімімен басым түсті.
Сондай-ақ, бүгін жарыстың аталған сатысында Қамшыбек Қоңқабаев нидерландтық Стэн Бертенсті екінші раундта нокаутқа жіберді.
Ал Ерасыл Таңқай (60 келі) филиппиндіку Пол Джулайфер Басконға, Ертуған Зейнуллинов (63,5 келі) өзбекстандық Мужибилло Турсуновқа есе жіберді.
Оған дейін Бекзат Алдамжаров (54 келі) франциялық Биллал Беннамаға есе жіберіп, жарыстан тыс қалды.
Еске салсақ, аталған жарысқа қазақстандық 13 былғары қолғап шебері барған еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.