НҰР-СҰЛТАН. ҚазАқпарат - Қазақстандық боксшы Сағындық Тоғамбай Таиландтағы турнирде жартылай финалға шықты, деп хабарлайды ҚазАқпарат тілшісі.
Ол 91 келі салмақта вьетнамдық Нгуйен Ман Куонмен жекпе-жекке шықты.
Ринг төрінде қазақстандық боксшы сенімді ойын көрсетті. Екінші раундта қарсыласын нокдаунға жіберді. Үшінші раундта қарсыласы жарысты жалғастырудан бас тартты. Осылайша Сағындық жекпе-жектің жеңімпазы атанды. Ол жартылай финалға жолдама алды.
Бұдан бұрын ел құрамасынан Аятулла Тәкіжанов (75 келі) таиландтық Борворн Кадамнуанның осал тұсын тапты .
Сондай-ақ, аталған салмақта ел құрамасынан Тимур Нұрсейітов үндістандық Сумитке жол беріп қойды.
Айта кетсек, енді ел құрамасынан бес боксшы шаршы алаңға шығады. Олардың біреуі күндізгі, үшеуі кешкі сессияда қарсыластарымен қолғап түйістіреді .
Халықаралық турнир 9 сәуірде мәресіне жетеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.