АСТАНА. KAZINFORM - Шри-Ланка астанасы Коломбо қаласында 10-24 мамыр аралығында өтетін 22 жасқа дейінгі боксшылар арасындағы Азия чемпионатының жарыс кестесі белгілі болды.
Бұл жөнінде Азия бокс конфедерацисы (ASBC) мәлім етті.
Құрлықтық дода 11 мамырда техникалық жиналыс пен турнирдің жеребе тарту рәсімімен басталады. Алғашқы жарыс күні 12 мамырда болса, іріктеу кезеңі 18 мамырға дейін жалғасады.
Ал 20 және 21 мамыр күндері жартылай финал өтсе, 22 және 23 мамырда финалдық жекпе-жек өткізіледі. Құрлықтық дода ресми түрде 24 мамырда жабылады.
Еске салсақ, бұдан бұрын еліміздің 17 жасқа дейінгі боксшылары Азия чемпионатында 10 алтын алды.
Құрлықтық дода World Boxing аясында алғаш рет өтті. Онда еліміздің ұлдар және қыздар құрамалары барлығы 10 алтын медаль алды. Оның 5-еуі ұлдарға бұйырса, 5-еуі қыздардың еншісіне тиді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.