АСТАНА. ҚазАқпарат – Таиланд астанасы Бангкок қаласында 22 жасқа дейінгілер арасында бокстан өтіп жатқан Азия чемпионатында екі қазақстандық спортшы финалға шықты, деп хабарлайды ҚазАқпарат тілшісі.
Санжар Тәшкенбай 48 келіге дейінгі салмақта таиландтық Наттхапхонг Тхуамчаронмен жұдырықтасты.
Санжар қарсыласын екінші раундта нокдаунға жіберіп, айқын басымдылықпен ұтты. Төрешілер шешімі – 5:0.
Тағы бір қазақстандық Нұрсұлтан Алтынбек 54 келіге дейінгі салмақта қырғызстандық Ислам Торобаевпен рингке шықты.
Қазылар бірауыздан жеңісті Нұрсұлтанға берді.
Н.Алтынбек финалда филиппиндік Флинт Джарамен алтын жүлде үшін таласады.
Еске сала кетейік, бұдан бұрын бокстан Азия чемпионатында Махмуд Сабырханның қарсыласын нокаутпен жеңгенін жазған едік.
Сондай-ақ үш қазақстандық жартылай финалға шықты.
Жартылай финалда тағы бір жолдама қолда.
Ашық көздерден алынған фото
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).