Бокстан жастар арасындағы Азия чемпионатының үшінші күнгі нәтижесі

АСТАНА. ҚазАқпарат - Бангкокта бокстан жастар арасында Азия чемпионатының үшінші күні өтті. Жарыс жолына төрт боксшымыз шықты.

52 келіде Айбек Досанов ирандық Пейман Шахпарибенешти 5:0 есебімен айқын басымдықпен жеңді. 60 келіде Саматәлі Толтаев Оңтүстік Корея боксшысы Ким Джунхионгті тізе бүктірді.

81 келіде Эльдияр Қамшыбеков қытайлық қарсыласы Майердан Маймайтиден 5:0 есебімен басым түсті.

Қазақтың салмағы атанған 69 келіде Ермахан Жақпеков жапондық былғары қолғап шеберінен жеңіліп қалды. Эссей Арамото Ермаханды 5:0 есебімен, айқын басымдылықпен ұтты, деп хабарлайды dodasport.kz .