Осыған орай маусымның 7-сі күні Астанадағы «Дипломат» қонақүйінде баспасөз мәслихаты өтеді. Оған Білім және ғылым министрлігі стратегия департаменті директорының орынбасары Ақерке Абылайхан, «Халықаралық бағдарламалар орталығы» АҚ президенті Данияр Бектұрғанов пен вице-президенті Еркежан Әпсеметова қатысады.
Академиялық оқуға құжаттар маусымның 7-сі мен шілденің 31-і аралығында, ал ғылыми тағлымдамаға - маусымның 7-сі мен қыркүйектің 30-ы аралығында қабылданады.
Биыл «Болашақ» бағдарламасы аясында академиялық оқуға ұсынылып отырған жоғары оқу орындарының тізіміне 87 мамандық бойынша әлемнің 23 елінің 200 жоғары оқу орны, ғылыми тағлымдамадан өту үшін әлемнің 24 елінің 105 ғылыми орталығы мен зертханасы ұсынылып отыр.
Конкурсқа қатысу туралы толыққанды мәліметтерді Халықаралық бағдарламалар орталығының ресми сайтынан - www.edu-cip.kz - оқып-біле аласыздар.