ҚЫЗЫЛОРДА. KAZINFORM – Ауа райының нашарлауына байланысты «Самара-Шымкент» автомобиль жолының Қызылорда облысындағы бірқатар бөлігінде көлік қозғалысына уақытша шектеу қойылды.
7 ақпанда елорда уақытымен сағат 12:30-ден бастап Ақтөбе облысында ауа-райы күрт нашарлаған. Боран, бұрқасын, көктайғақ болып тұр.
«Осыған байланысты республикалық маңызы бар «Самара-Шымкент» автомобиль жолының 1 240-1 360 шақырым аралығында көлік қозғалысына уақытша шектеу қойылды. Ол Ақтөбе облысының шекарасынан Арал қаласына дейінгі аралықты қамтиды», - деп мәлім етті Қызылорда облыстық Төтенше жағдайлар департаментінен.
Еске салсақ, Қызылорда облысының аталған аумағында 4 ақпанда көлік қозғалысы шектелді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.