ӨСКЕМЕН. ҚазАқпарат – Шығыс Қазақстан облысы Риддер қаласынан шыға берісте қатты боранға байланысты көлік кептелісі туындады, деп хабарлайды ҚазАқпарат тілшісі.
Кешелі бері Риддер іргесінде көліктер ұзын-сонар кептелісте қалған. Бұған қатты боранға байланысты тасжолдың жабылуы себеп болған. Алайда, соған қарамастан жолға шыққандар саны азаюдың орнына көбейіп барады.
«Дәл қазір Риддер мен Өскемен арасындағы республикалық маңызы бар жол жабық. Риддерден шыға берісте жолшылар мен полицейлер кезекшілік атқарып тұр», - деп хабарлады ШҚО Төтенше жағдайлар департаменті баспасөз қызметінің өкілдері.
Айта кетейік, осы сәтте өңірде республикалық маңызы бар 2, облыстық маңыздағы 4 жолда көлік қозғалысына тыйым салынған.
Видеодан алынған кадр
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.