Бірі - арнайы қаумалда ұстау, екіншісі - ату: министр киік санын қалай реттейтінін айтты

АСТАНА. KAZINFORM — Экология және табиғи ресурстар министрі Ерлан Нысанбаев Үкімет отырысынан кейін өткен баспасөз мәслихатында Тұран жолбарысының популяциясын қалпына келтіру жұмыстары қалай жүріп жатқанын айтты.

Еске салсақ, Ұлттық құрылтайдың V отырысында Президент Қасым-Жомарт Тоқаев киік санын реттеу мәселесін қайта зерделеуді тапсырған еді. 

— Біз киік санын реттеуге байланысты ғалымдар, сарапшылармен кездестік. Тағы бір кездесуді күтіп отырмыз. Ғылыми тұрғыда бәрін зерттеп, бүкіл жағдайды ескеріп, шешім қабылдауы керек, — деді Ерлан Нысанбаев журналист сұрағына берген жауабында.

Министр киік саны қалай реттелетіні туралы шешім биыл қабылданатынын айтты. 

— Иә, биыл қабылдаймыз деп ойлаймын. Киік санын реттеу дегенде екі түрлі тәсіл бар. Бірі — арнайы қаумалда ұстау. Екіншісі — әрине ату. Басқаша қандай жолы бар? Бірақ ғалымдар әзірге қарап жатыр, — деді ведомство басшысы.

Бұған дейін де Ресейден Балқашқа 3-4 жолбарыс әкелінетінін жазған едік.