Баспасөз орталығы ҚХР астанасының «Олимпиада ауданы» деп аталатын аумағындағы Қытай ұлттық конференция орталығының көрме кешенінде орналасқан.
Баспасөз орталығы Қытай ұлттық конференция орталығының көрме залдары мен фойесін алып жатыр. Онда жұмыс аймағы, пресс-конференция залдары, телерадио хабарларын тарату студиялары, сұхбат бөлмелері, фотостудиялар, орталық диспетчерлік пункт және сигнал жазу бөлмесі бар.
Оқиғаларды нақты уақыт режимінде тарату үшін жалпы жұмыс аймағында үлкен экрандар орнатылған. Сондай-ақ, журналистерге арналған 468 орын бар.
Баспасөз конференцияларын өткізуге арналған төрт зал бөлінген. Олардың ең үлкеніне 200 адам сыяды. Баспасөз орталықтарында, сондай-ақ, сұхбат алуға арналған бөлмелер бар.
Баспасөз орталығының қызмет көрсету бюросы БАҚ үшін анықтамалық материалдар таратады және көлік қызметі, тарихи көрікті жерлер мен маршрутты жоспарлау туралы кеңес береді.
Баспасөз орталығында шетелдік тілшілерді қытай мәдениетімен, тарихымен, Бейжіңнің көрікті жерлерімен таныстыратын көрмелер қойылған.
БАҚ өкілдеріне тамақтану орындары мен бірнеше кофе-брейк алаңдары ұйымдастырылған.