НҰР-СҰЛТАН. ҚазАқпарат – Бразилия астанасы мен Рио-де-Жанейрода Амазония байырғы тұрғындарының өкілдері наразылық акциясын өткізіп, журналист Дом Филипс пен этнограф Бруно Перейраның өліміне кінәлілерді жазалауды талап етті, деп хабарлайды ҚазАқпарат Еuronews-ке сілтеме жасап.
Британдық Дом Филипс пен бразилиялық Бруно Перейра амазон тайпаларының мәдениетін зерттеп, мәселелерін көрсетіп жүрген. Осыған байланысты браконьерлер мен есірткі сатушылардан бірнеше рет ескерту алған.
Олар маусым айының басында Перумен шекараға жақын маңдағы Жавари нуында жоғалды. Екеуінің денесі бір апта бұрын джунглиден табылды.
Осы оқиғаға байланысты бірнеше күдікті ұсталды. Кейбірі кінәларын мойындап, болған жайтты баяндап та берді.
Алайда, наразылық білдірушілер оларды өлтіруге тапсырыс берген нақты қылмыскерлердің ұсталатынына сенімсіздік танытты. Олар сондай-ақ, жергілікті халықтар ісі жөніндегі агенттік (FUNAI) басшысы Марсело Ксавьердің әркетсіздігін айтып, орнынан кетуін талап етті.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.