Brent маркалы мұнайдың бағасы барреліне 52 долларға жетті
22:04, 05 Қазан 2016
АСТАНА. ҚазАқпарат - Қара алтынның бағасы АҚШ-тағы мұнай қоры жөнінде жарияланған ақпараттардан кейін өсімін жеделдетті.
Бұл туралы ТАСС хабарлады.
Атап айтқанда, АҚШ Экономика министрлігінің ақпаратына сүйенсек, елдегі мұнайдың коммерциялық қоры апта ішінде, яғни 23-30 қыркүйек аралығында 3,02 млн. баррельге азайып, 499,7 млн.-ды құрады.
Бұл ретте, сарапшылар қор көлемі 2,56 млн. баррельге артатынын күткен еді.