Британиялық адвокаттар Алматы қаласының судьяларымен кездесті
АЛМАТЫ. KAZINFORM — Алматы қалалық сотында «Ұлыбритания мен Қазақстан арасындағы сот ісін жүргізуді (сотқа дейінгі және сот сатысы) салыстыру» тақырыбында британдық адвокаттардың Алматы қаласының судьяларымен кездесуі өтті. Бұл туралы жергілікті соттың баспасөз қызметі мәлім етті.
Шетелдік делегацияны британиялық адвокаттар Реза Чоудхури (Reza Choudhury), мен Лайла Дин-Верити (Layla Dean-Verity) таныстырды. Шетелдік әріптестердің келуіне қазақстандық сот жүйесінің тәжірибесін зерттеуге деген ұмтылыс себеп болды.
Іс-шараға Алматы қалалық сотының сот алқаларының төрағалары Н.Бекназаров, М.Байгелов, оқу орталығының үйлестірушісі А.Абилова қатысып, құттықтау сөз сөйледі.
Оқыту барысында мамандандырылған ауданаралық әкімшілік сотының, мамандандырылған ауданаралық экономикалық сотының, кәмелетке толмағандардың істері жөніндегі мамандандырылған ауданаралық сотының төрағалары мен судьялары шетелдік тәжірибемен танысып, сот төрелігін жүзеге асырудың өзекті мәселелерін және адвокаттардың сот процесіне қатысуын талқылады.
Оқыту бағдарламасында талқыланатын тақырыптардың кең ауқымы сот төрелігін табысты жүзеге асыру үшін қажетті жан-жақты білім мен білімнің маңыздылығын, психология мен әлеуметтану мәселелерін, сондай-ақ этика мен кәсіби жауапкершілікті ескере отырып, сот ісін жүргізу тәртібін және негізделген шешім қабылдауға әсер ететін басқа да деректерді сақтауды атап өтті.
«Талқылананған тақырыптар судьяларға әкімшілік немесе азаматтық даулардың негізінде жатқан уәждер мен мән-жайларды жақсырақ түсінуге, күрделі құқықтық мәселелерді талдауға және құқық принциптеріне негізделген шешімдер қабылдауға көмектесуге арналған», — делінген хабарламада.
Кездесу қорытындысы бойынша тараптар азаматтардың құқықтары мен заңды мүдделерін қорғаудың және азаматтардың сот жүйесіне сенімін нығайтудың ортақ мақсаттары мен міндеттерін ескере отырып, тәжірибе алмасуға және өзара тиімді ынтымақтастыққа мүдделілік танытты.
Жылы қарсы алғандары үшін алғыс білдірген шетелдік қонақтар мұндай кездесулер сот жүйесін одан әрі дамытуға және құқық қолдану тәжірибесін жетілдіруге серпін беретінін атап өтті.