Британдық Премьер-Министр «Тақтар ойыны» телехикаясының әр сериясын асыға күтетінін мойындады

АСТАНА. ҚазАқпарат - Британдық Премьер-Министр Дэвид Кэмерон танымал «Тақтар ойыны» (Игры престолов) атты телехикаяның фанаты екенін мойындады, деп жазады Росбалт.

«Мен бұл телехикаяның Солтүстік Ирландияда түсіріліп жатқандығына өте қуаныштымын және біз төртінші кезеңнің бокс-сетінің шығуын асыға күтудеміз», - деді Кэмерон.

«Тақтар ойыны» телехикаясы жазушы Джордж Мартиннің фэнтези романдарының цикліне негізделген. Қанатқақты эпизодтың таныстырылымы 2010 жылдың сәуірінде НВО-да өтті. Осы күнге дейін көрермен қауымға оның 39 сериясы ұсынылды.

Мамандардың пайымынша, аталған телехикая қазіргі кезде ең сәтті ұйымдастырылған телевизиялық жоба болып табылады.