АСТАНА. KAZINFORM — Бұл туралы астанада өтіп жатқан Білім беру сапасын қамтамасыз ету жөніндегі X Орталық Азия халықаралық форумында Ғылым және жоғары білім вице-министрі Талғат Ешенқұлов айтты.
Вице-министр Қазақстанда шетелдік университеттер мен бірлескен білім беру бағдарламалары көбейіп келе жатқанын атап өтті. Оның сөзінше, мұндай бағдарламалардың сапасына ортақ талаптар қажет.
— British Council мен QAA бастамасымен Қазақстандағы жоғары білім сапасын қамтамасыз етудің негізгі стандарттарын әзірлейтін жұмыс тобын құру жоспарланып отыр. Алғашқы нәтижелерді 2027 жылы қаңтарда өтетін Ғылым және жоғары білім саласындағы сапаны қамтамасыз ету комитетінің форумында көреміз деп жоспарлап отырмыз, — деді Талғат Ешенқұлов.
Айта кетейік, қазіргі таңда Қазақстанда 32 шетелдік жоғары оқу орны түрлі форматта жұмыс істеп жатыр.
Назерке Сүйіндік
Әл-Фараби атындағы Қазақ ұлттық университетінің түлегі. Ұлыбританиядағы Sussex университетінде магистр дәрежесін алған. Л.Н. Гумилев атындағы ЕҰУ-дің саясаттану мамандығы бойынша PhD докторанты. Бұған дейін BAQ.kz, Strategy2050.kz, QazaqTimes.kz секілді ақпараттық платформаларда жұмыс істеген. Қазір «ҚазАқпарат» халықаралық ақпарат агенттігінің тілшісі. Халықаралық саясат, дипломатия, медиа, ақпараттық саясат және қоғамдық-саяси мәселелерді тұрақты түрде жазып келеді.