Брюссельде «Қазақстанның ЕҚЫҰ-на төрағалығы: қорытындылар мен жаңа болашақ» тақырыбында «дөңгелек үстел» өтті
«Дөңгелек үстелдің» ашылуы барысында Қазақстанның Бельгия мен Люксембургтегі Төтенше және өкілетті Елшісі, Қазақстан Республикасының Еуроодақ және НАТО жанындағы миссияларының басшысы Ерік Өтембаеватап өткеніндей, қазақстандық төрағалықтың 6 айы бойынша алдағы жұмыстардың сызбасын белгілей отырып, жасалған шаралар бойынша белгілі бір шешімдер шығаруға болады.
«Бірнеше күннен кейін Алматыда сыртқы саясаттың негізгі мәселелері, сондай-ақ ағымдағы жылдың күзінде соңғы 10 жылда алғаш рет болып отырған ЕҚЫҰ Саммитінің өткізілуі талқыланатын сыртқы істер министрлерінің бейресми кездесуі өтеді», - деп атап өтті қазақстандық дипломатиялық миссияның басшысы.
Өз кезегінде Еуропалық Парламенттің депутаты Струан Стивенсон Қазақстан алты ай бойы қарқынды жұмыс істегенін атап өтті.