Брюссельде Сирия бойынша донорлық конференция басталады
«Сирияның және аймақтың болашағына қолдау» форумына Еуропа одағы, аймақ мемлекеттері, БҰҰ, ірі донорлар мен үкіметтік емес ұйымдар атынан келген 70 делегация қатысады.
БҰҰ, Германия, Кувейт, Норвегия, Катар және Біріккен Корольдік шараның тең төрағалары болып табылады.
Конференция қатысушылары 2016 жылдың ақпан айында Лондон конференциясында алынған міндеттемелерді орындау жолдарын талқылайды және Сирия мен көршілер мемлекеттерге қосымша қолдау көрсету көлемдерін анықтайды.
Сонымен бірге, форумда шиеленістен кейінгі қалпына келудің келешегі және елде саяси ауысудың тұрақты процесі талқыланады.
Бұл Лондондағы донорлық конференциядан кейінгі екінші кездесу болмақ. Лондонда қатысушылар Сирия аумағындағы және елден тыс жүрген сириялықтардың ең мұқтаж қажеттіліктерін қанағаттандыру үшін 10 миллиард доллардан астам қаражат бөлуге уәде берген еді.