Бұдан 9 күн бұрын Балқаш көліне батып кеткен адамның денесі судан шығарылды шығарылды
13:26, 01 Мамыр 2009
АСТАНА. Мамырдың 1-і. ҚазАқпарат – Балқаш көліне батып кеткен төрт адамның бірі – ер адамның денесі судан шығарылды,
деп хабарлайды ҚазАқпарат ҚР Төтенше жағдайлар министрлігінің баспасөз қызметіне сілтеме жасап.Естеріңізге сала кетейік, сәуірдің 22-сінде сағат 14-те Приозер қаласының Балқаш көліндегі «Алтын құм» жағажай аймағында моторлы қайық аударылған болатын. Оқиға салдарынан Приозер қаласы ТЖ бөлімінің бастығы мен 44 жастағы ер адам ауруханаға жеткізілді. Ал осы қаланың №47 өрт сөндіру бөлімінің бастығы мен осы мекеменің жүргізушісінің және тағы бір ер адамның денесін судан құтқару қызметі іздестіруде. Ал сәуірдің 30-ында түнде Балқаш көлінде «Байдарка» моторлы қайығы 3 адамымен аударылды. Соның салдарынан екі жасөспірім суға кетті. Бүгінде судан құтқару қызметі олардың денелерін іздестіруде.