Будапештте серуен кемесі аударылып, 7 адам қаза тапты, 16-сы із-түзсіз жоғалған
05:39, 30 Мамыр 2019
НҰР-СҰЛТАН. ҚазАқпарат - Будапешт қаласының орталығында, Дунай өзенінде серуендеу кемесі аударылып жеті адам қаза тапты. Бұл туралы бейсенбі күні Reuters хабарлады.
Кеме бортында 30-дан астам адам болуы мүмкін.
Бұдан бұрын үш адамның қаза тапқаны және 16-сының із-түзсіз жоғалғаны хабарланған болатын. Ал 14 туристі құтқарудың сәті түсті.
Венгрия құтқару қызметінің ақпаратына қарағанда, зардап шеккендердің көпшілігі шығысазиялық елдердің азаматтары, басым бөлігі ҚХР-ден.
Reuters агенттігінің мәліметі бойынша, бортта Оңтүстік Кореяның үш азаматы болған. Құтқару қызметінің хабарлауына қарағанда, Дунайда, Венгрия парламенті маңында екі серуендеу кемесі соқтығысқан. Ауа райының қолайсыздығы құтқару жұмыстарын қиындатып отыр.