деп хабарлайды ресейлік «Жаңалықтар» агенттігі.
Әлемдік киноның дәстүрлі салтанаты өтетін Kodak театрының алдына номинанттар үшін қызыл кілемнен жол төселген.
«Оскар» алтын мүсіншелерін тапсыру салтанаты әлемнің 225 елінде тікелей эфирден таратылады - ол үшін АВС арнасы шоудың бүкіл көрінісін тұс-тұстан көрсететін 20 телекамера қойған.
«Оскар» сыйлығының номинанттары арасында Мартин Скорсездің «Уақытты сақтаушы» (11 аталым) және ағымдағы маусымның басты фавориті - Мишел Хазанавичюстің «Артист» фильмдері бар. Екі картина да негізгі аталымдарға (таңдаулы фильм, таңдаулы режиссура, сценарий) үміттеніп отыр. Басты наградаға үміткерлердің арасында сондай-ақ «Ұрпақтар», «Өте қатты және мүлдем жақын дауыс», «Күтуші», «Париждегі түн ортасы», «Бәрін өзгерткен адам», «Өмір ағашы», «Әскери ат» фильмдері енген.
Басты ерлер рөлдері үміткерлері: Джордж Клуни, Брэд Питт, Жан Дюжардин, Гэри Олдмен, Демиан Бишир
Таңдаулы әйел рөлдері бестігінің үміткерлері: Гленн Клос, Мэрил Стрип, Вайола Дэви, Мишель Уильямс, Руни Мара.
«Оскар» сыйлығы салтанатын ресейлік «Бірінші телеарна» бүгін түнде мәскеу уақытымен 04 сағат 30 минутта тікелей эфирден көрсетеді.