АСТАНА. ҚазАқпарат - Бүгін Алматыда Балуан Шолақ стадионында қазақстандық спортшыларды VIII қысқы Азия ойындарына шығарып салу рәсімі өтті, деп хабарлайды ҚазАқпарат тілшісі.
Отандық спортшыларға Ұлттық штаттық командалар және спорттық резерв дирекциясы директорының орынбасары Алексей Крючков сәттілік тіледі. Салтанатты шарада еліміздің туы шаңғышы Ердос Ахметовқа табысталды. Ол Саппородағы VIII Азия ойындарының ашылу салтанатында туымызды алып жүреді.
Естеріңізге сала кетейік, бұған дейін Ердос Сочи Олимпиадасы кезінде еліміздің туын алып шыққан болатын.
Жапонияның Саппоро қаласындағы Азия ойындары 19-26 ақпан аралығында өтеді. Қазақстандық делегация 116 спортшыны құрап отыр. Олар спорттың барлық 11 түрінен сайысқа түседі.
ФОТО Олег Спивак
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.